Ishq Mein Jee ko Sabr-o-Taab kahan?

Ishq Mein Jee ko Sabr-o-Taab kahan?
Usse Ankhein lagi to khwab kahan?

Khat ke aaye par kuch kahey to kahey
Abhi maktoob ka jawaab kahan

Hasti apni hai beech main parda
Hum na howein to fir hijab kahan?

Girya-e-shab se surkh hain aankhein
Mujh bala-nosh ko sharab kahan !

Daagh rehna dil o jigar ka dekh
Jalte hain is tarah kabab kahan !

Maho hain us kitabi chehre ke
Aashiqon ko sare kitaab kahan

Ishq ka ghar hai "Mir" se aabaad
Aise fir khanumaan kharab kahan